آل انڊيا مسلم ليگ:هندستان جي مسلمانن جي پهرين سياسي تنظيم آهي. انڊيا مسلم ليگ'>آل انڊيا مسلم ليگ جو بنياد 30 ڊسمبر 1906ع تي ڍاڪا جي شاهه باغ ۾ هڪ سياسي جلسي ۾ پيو. اهو جلسو نواب سليم الله خان منعقد ڪرايو ۽ نواب وقار الملڪ ان جي صدارت ڪئي. ٻين شرڪت ڪندڙن ۾ نواب محسن الملڪ، سر آغا خان، حڪيم اجمل خان، ميان محمد شفيع، ايم. اي دهلوي، مولانا محمد علي ’جوهر‘ وغيره شامل هئا. هن جلسي ۾ انڊيا مسلم ليگ'>آل انڊيا مسلم ليگ جو بنياد وڌو ويو ۽ سر آغا خان کي ان جو پهريون صدر ۽ نواب محسن الملڪ ۽ نواب وقارالملڪ کي ترتيبوار سيڪريٽري ۽ جوائنٽ سيڪريٽري بڻايو ويو.
30- 29 ڊسمبر 1907ع تي، ڪراچيءَ ۾ هن جماعت جو پهريون ساليانو اجلاس ٿيو، جنهن ۾ مسلم ليگ جو دستور منظور ڪيو ويو.
31- 30 ڊسمبر 1913ع تي آگري ۾ ستين سالياني اجلاس جي موقعي تي محمد علي جناح (قائداعظم) هن جماعت جو ميمبر ٿيو.
30- 29 ڊسمبر 1930ع تي الهه آباد ۾ علامه محمد اقبال جي صدارت ۾ ايڪيهون ساليانو اجلاس ٿيو، جنهن ۾ پاڪستان جي جاگرافيائي سرحدن جو تصور پيش ڪيو ويو.
12- 11 اپريل 1934ع تي بمبئيءَ ۾ ٿيندڙ چوويهين اجلاس ۾ قائداعظم کي انڊيا مسلم ليگ'>آل انڊيا مسلم ليگ جو صدر بڻايو ويو.
1938ع ۾ ڪراچي سنڌ واري اجلاس ۾ پهريون ڀيرو پاڪستان بابت ٺهراءُ پاس ڪيو ويو، جيڪو محب وطن سياستدان شيخ عبدالمجيد سنڌيءَ پيش ڪيو.
23 مارچ 1940ع تي لاهور جي منٽو پارڪ ۾ قائداعظم جي صدارت هيٺ ستاويهون ساليانو اجلاس ٿيو. هيءُ اجلاس اهم ترين اجلاس هو. هن اجلاس ۾ ’پاڪستان جو ٺهراءُ‘ منظور ڪيو ويو، جنهن جي تائيد ۾ اپريل 1943ع ۾ سنڌ اسيمبليءَ سڀ کان پهرين ٺهراءُ منظور ڪرايو.
آل انڊيا مسلم ليگ جو آخري ساليانو اجلاس 24- 25 ۽ 26 ڊسمبر 1943ع تي قائداعظم جي صدارت هيٺ ڪراچيءَ ۾ ٿيو.
14 آگسٽ 1947ع تي پاڪستان ٺهڻ کان پوءِ انڊيا مسلم ليگ'>آل انڊيا مسلم ليگ جو وجود ختم ٿي ويو ۽ فيبروري 1948ع ۾ آل پاڪستان مسلم ليگ قائم ٿي ۽ چوڌري خليق الزمان ان جو صدر ٿيو؛ پر جلد ئي هن جماعت جي اها مقبوليت ختم ٿي ويئي ۽ اڳتي هلي هيءَ تنظيم مختلف ڌڙن ۾ ورهائجي وئي. جنرل ايوب خان جي دؤر تائين آل پاڪستان ملسم ليگ جو وجود لڳ ڀڳ ختم ٿي ويو هو. بعد ۾ مسلم ليگ جي نالي سان ٻيون به ڪيتريون ئي جماعتون وجود ۾ آيون، مثلاً: ڪنوينشن مسلم ليگ، ڪائونسل مسلم ليگ، مسلم ليگ (خيرالدين گروپ)، فنڪشنل مسلم ليگ (پاڳارو گروپ) وغيره.
هن وقت پاڪستان ۾ مسلم ليگ (ق)، فنڪشنل مسلم ليگ ۽ مسلم ليگ (نوازشريف گروپ)، تنظيمي طور ڪم ڪري رهيون آهن، پر وڏي ۾ وڏو گروپ مسلم ليگ (ن) آهي.
1906.12.30 عيسوي
آل انڊيا مسلم ليگ جو بنياد 30 ڊسمبر 1906ع تي ڍاڪا جي شاهه باغ ۾ هڪ سياسي جلسي ۾ پيو .